التعريف بالمدونة

السلام عليكم ورحمة الله وبركاته..... فى الأول انا حابب أرحب بكل الإخوة الأعزاء والقراء الأجلاء الى دخلوا المدونة أو انضموا إلى الجروب وأتمنى أن تلاقى  المدونة صدى طيب عندكم ...وأنى فى النهاية اوفق اقدم محتوى مفيد...

ثانيا انا حابب أوضح واشرح إيه فكرة المدونة وهدفها ومحتواها.....هذه المدونة ما هي إلا عبارة عن مجموعه من الأخبار الى انا بنتقيها واعرضها على حضرتكم فى إطار من النقد الساخر  .. والأخبار دى بتكون من واقعنا  بتناقش مشكلة بتشغل الرأي العام او قضية جادة او حدث ربما يكون تافه فى نظر البعض لكن انا تناولته من وجه نظر مختلفة...ومن هذه الفكرة جاء اسم المدونة "واقع مضحك"..

انا برضو حابب انوه ..الى انى مدون هاوي زى آلاف المدونين فى مصر والعالم العربي....وانى هدفى الأول هو إشباع متعه شخصية وهى الكتابة..بغض النظر عن عدد القراء او المشتركين الى طبعا هكون سعيد جدا جدا بتواجدهم وتفاعلهم معايا من خلال تعليقاتهم... فى النهاية أتمنى انى المدونة تبقى خفيفة على قلوبكم وتقدم لكم محتوى مفيد.... وكل عام وانتم بخير